Tag: linux for sinhala

ලෝකෙට හොරෙන් Internet යන්න Tor Browser එක Ubuntu වලට දාමු.

Tagged , , , , , , , , , Leave a comment

ඉතින් දන්නවනේ අද රටේ තත්වේ. මේ රටේ තත්වෙත් එක්ක Social Networks එහෙමත් Block කරලා තියෙන්නේ. ඉතින් අපි. Linux Users ලා. මේ වගේ Social Network Block කිරිල්ලක් එක්ක හැප්පෙන්න තියෙන හොඳ Method එකක් තමයි Tor Browser එක දාගන්න කරගන්න එක.

Tor Browser එක ඉතින් Cross-Platform නේ. ඒ කිව්වේ Tor Browser එක Windows, Mac, Linux කියන හැම Platform එකෙන්ම පාවිච්චි කර හැකි.

ඉතින් හැම Platform එකටම තියෙන මේ Tor Browser එක Ubuntu Install කරන විදිහ තමයි අද අපි බලන්න යන්නේ.

Tor Ubuntu වල Install කරමු

පියවර 01: Tor website එකට යන්න

Tor website එකට ගිහින් Tor වල Linux වලට තියෙන Setup එක ගන්න (Setup එකක් කිව්වට එක Extract කරන්න එන File එකක්).

පියවර 02: Download කරපු Tor File එක Extract කරගන්න

Download කරපු Tor File එක Extract Here දීලා Extract කරගන්න.

Extract කරාට පස්සේ හැදෙන Folder එක ඇතුලට යන්න.

පියවර 03: Tor Folder එක ඇතුලේ Terminal එකක් Open කරගන්න.

Tor Folder එක ඇතුලේ Terminal එකක් Open කරගන්න. Tor Folder එක ඇතුලේ Terminal එකක් Open කරගන්න නම් Folder එක ඇතුලට ගිහින් Right Click කරන්න එතකොට එන Options වලින් Open In Terminal කියන Option එක තෝරන්න.

ඊට පස්සේ,

./start-tor-browser.desktop

Command එක ගහන්න.

එතකොට Tor Browser එක Open වෙයි.

මෙතනින් Connect Button එක ඔබන්න.

එච්චරයි. ඔන්න එහෙනම් ඔයා Tor Browser එකත් උබුන්ටු වල පාවිච්චි කරනවා. පට්ට බන්. උබ එල කොල්ලෙක්.

එහෙනම් ඊලග ලිපියෙන් සෙට් වෙමු. ජය!

Linux වල Steam Install කරලා පාවිච්චි කරන්න

Tagged , , , , , , , , , , , , , , Leave a comment

Valve Company යේ Steam එකට ස්තුති වෙන්න Linux වල Game ගහන එක දැන් අපිට ගොඩක් ලේසි වෙලා තියෙන්නේ. ඉතින් අපි අද මේ ලිපියෙන් කතාකරන්න යන්නේ Steam Linux වල Install කරලා පාවිච්චි කරන විදිහ ගැන.

ඉතින් මුලින්ම අපි බලමු මේ Steam කියන්නේ මොකක්ද කියලා.

Steam කියන්නේ මොකක්ද?

Steam කියන්නේ Game ගහන්න හදපු Platform එකක්. Steam එකේදී ඔයාට Games සල්ලි වලට ගන්න ගහන්න පුළුවන්. Steam වල තියෙන Social Functionality එක නිසා ඔයාට ඔයාගේ යාලුවෝ එක්ක කතා කර කර Games ගහන්නත් පුළුවන්.

ඉතින් ඔයා එක පාරක් Game එකක් සල්ලි වලට ගත්තොත් ඔයාගේ Steam Account එක පාවිච්චි කරලා ඒ Game එක ඕනේම Device එකක Install කරගන්න පුළුවන්.

ඒවගේම ඔයා බාගෙට ගහලා නවත්තපු Games ඔයාට ඒ නවත්තපු තැන ඉදන් ගහන්න පුළුවන්.

Ubuntu වල Linux Install කරමු

මම මේ ලිපිය ලියද්දි මම පාවිච්චි කරන්නේ Ubuntu 19.04. මම Ubuntu 19.04 පාවිච්චි කරාට අනිත් Ubuntu Versions වලත් Ubuntu Based කරගෙන හැදුනු Linux Distributions වලත් Steam වැඩ කරයි.

Ubuntu Software Center එකේ Steam Installer එක තියෙනවා ඔයාට එතනට ගිහින් ලේසියෙන්ම Steam Installer එක Install කරගන්න පුළුවන්.

මිට අමතරව,

sudo apt-get install steam-installer

කියන Command එක ගහලත් Steam Install කරගන්න පුළුවන්.

Steam Installer එක ගත්තට පස්සේ Application Menu එකට ගිහින් එ Steam Installer එක Open කරගන්න.

ඔයා Steam Installer එක අරන් ඉවර උනාට පස්සේ ඔයා දැන ගනී ඔය Install කරගත්තේ තාම Steam Installer එක විතරයි කියලා. ඔයා මේ Installer එක Open කරන පලවෙනි වතාවේදී ඒ Installer එක Steam Run කරන්න අවශ්‍ය වෙන Packages Install කරලා Steam Install කරයි.

මේ විදිහට Steam Install උනාට පස්සේ Steam එක Open කරගන්න එතකොට,

මෙන්න මේ විදිහට Message එකක් එයි. ඔය දන්නවනේ මෙතනින් එහාට කරන දේ. මෙතන කරන්න තියෙන්නේ ඔයාට Steam Account එකක් තියෙනවා නම් එකට Log වෙන එක ඔයාට Steam Account එකක් නැත්නම් ඉතින් Steam Website එකට මෙතනින් ගිහින් Account එකක් හදාගන්න.

Steam පාවිච්චි කරලා Ubuntu වල Games ගහමු

ඔයා ඔයාගේ Steam Account එකට Log උනාට පස්සේ ඔයාව මේ වගේ Screen එකකට යයි,

ඉතින් අලුතෙන් Games Install කරගන්න Store එකට යන්න. ඒ ඒ Games ගහන්න නිර්දේශ කරලා තියෙන Platform දිහා හොඳ අවදානයක් දෙන්න. Ubuntu සඳහා නම් Steam සලකුණ ගහලා තියෙන Games Ubuntu වල ගහන්න පුළුවන්.

ඔයා Linux වල ඔයා දන්න Game එකක් ගහන්න යනවා නම් ඒ Game එකේ නම Search Box එකේ ගහන්න.

නැත්නම් ඔයාගේ OS එකට අනුව තියෙන Games Filter කරගන්න

Game එකට අවශ්‍ය වෙන System Requirements ගැන අවදානයක් දෙන්න මොකද අවශ්‍ය Ram, VGA නැතුව ඔයාට Game එක හොඳ FPS Rate එකක ගහන්න බැරි වෙයි.

ඔයාට Game එක ගහන්නද ඕනේ නැත්නම් සල්ලි දීලා ගන්නද ඕනේ ඒ අදාල Option එක Select කරන්න.

ඊට පස්සේ ඔයාට පෙන්න Game එක Background එකේ Download වෙයි.

එච්චරයි කරන්න තියෙන්නේ. දැන් ඉතින් game එක Enjoy කරන්න. මොනවහරි ප්‍රශ්න යෝජනා තියෙනවා නම් පහල Comment section එකෙන් අනිවාර්යෙන් දාන්න. එහෙනම් ජය!

Linux එකේ Desktop එකට Shortcuts දාමුද?

Tagged , , , , , , , , Leave a comment

ඉතින් මේ ලිපියෙන් අපි ඉගෙන ගන්න යන්නේ ඔයාගේ Linux Distro එකේ Desktop එකේ Shortcuts දාගන්න නැත්නම් හදාගන්න විදිහ ගැන.

ඉතින් මම නම් Shortcuts Desktop එකේ තියෙනවට වඩා Favourites Bar එකේ තියෙනවට කැමති. එත් හැම කෙනාටම එක වගේ Preference එකක් නැනේ ඒ හින්දා ඔයා Desktop එකේ Shortcuts තියෙනවට ගොඩක් කැමති ඇති.

එහෙනම් අපි Desktop එකේ Shortcut එකක් හදන්න අපිට පාවිච්චි කරන්න පුළුවන් සිම්පල් ම Method එක අපි පාවිච්චි කරමු.

අවධානය පිණිසයි:
මේ ලිපියේ මේ method එක හරහා යෑමට මන් භාවිතා කලේ Ubuntu 19.04 Distribution එකයි. එම නිසා ඔබ වෙනත් Distribution එකක් පාවිච්චි කරනවා නම් මෙහි අප ගන්න පියවරයන්හි යම් කිසි වෙනස් කම් ඇති විය හැක. බොහෝ වෙලාවට එවැනි වෙනස් කම් වන අවස්ථා අඩුය. නමුදු ඔබගේ අවදානය පිණිසයි.

සියල්ලට කලින්,

අපි අපේ වැඩ පටන් ගන්න කලින් ඔයා ඔයාගේ Desktop එකේ Icons දාන Option එක Enable කරලා ඉන්න ඕනේ. ඉතින් ඒ Option එක Enable කරන්න නම් Gnome Tweak Tools Install කරගන්න. Gnome Tweak Tools Install කරගන්න නම්,

sudo apt-get install gnome-tweaks

Command එක පාවිච්චි කරන්න.
ඊට පස්සේ මේ පින්තුරේ තියෙන විදිහට Show Icons Option එක Enable කරන්න.

පියවර 1: .desktop files තියෙන තැනට යන්න

Other Locations —> Computer එකට යන්න.

ඊට පස්සේ usr -> share -> applications Folder එකට යන්න. එතනට ගියාම ඔයාගේ Computer එකේ මේ වෙද්දී Install කරලා තියෙන Softwares ඔක්කොගෙම Shortcut ලිස්ට් එකක් ඔයාට දකින්න පුළුවන් වෙයි.

පියවර 2: .desktop Shortcuts Desktop එකට Copy කරමු

ඔයාට Desktop එකට Add කරගන්න ඕනේ Software එකේ Shortcut එක Desktop එකට Copy කරන්න.

පියවර 3: Shortcut එක Open කරන්න

දැන් ඉතින් තව මොනවා බල බල ඉන්නද Copy කරගත්තු Software Shortcuts Open කරන්න.
ඔයා ඔන්න ඔය විදිහට Shortcut එකට Click කරලා Open කරාම Message එකක් එයි Untrusted Application Launcher කියලා. ඒ Message එකේ Trust and Launch කියලා තියෙන Button එක ඔබන්න.
වැඩේ ගොඩ. ඔන්න අපි Linux එකේ Desktop එකටත් Icons දැම්මා.

ඉතින් තාම Shortcut එකේ Icon එක හරියට ඇවිල්ලා නැද්ද? ආ ගනන් ගන්න එපා එක පාරක් Software එක Shortcut එකෙන් Open කලාම ඔය ඔක්කොම හරි යයි.

මේ බලන්න Software එකේ Icon එක ආපු හැටි.

ඉතින් ඔන්න තවත් ලිපියක් ඔන්න ඔය විදිහට ඉවර වෙනවා. අපි එහෙනම් ඊලග ලිපියෙන් හම්බවෙමුකෝ. තව දෙයක් මොනවහරි Linux ගැන දැනගන්න තියෙනවනම් පහල Comment section එකෙන් අහන්න මම ඔයාලට උදව් කරන්න ගොඩක් කැමති. ජය!

GUI නැතුව Computer එකේ එහෙ මෙහෙ යන්න අවශ්‍යම Terminal Commands 10 ක්

Tagged , , , , , , , , , , Leave a comment

GUI එකක් නැතුව Terminal එකෙන් Computer එකේ එහෙ මෙහෙ යන්න අවශ්‍යම Commands 10ක් ගැන මේ ලිපියේ මන් ලියලා තියෙනවා.

දැන් ඔයා Computer එකේ ඉන්න තැන, ඔයා කලින් හිටපු තැන, වෙනත් Folders වලට යන විදිහ, ආයේ Home එකට එන විදිහ, අලුතෙන් Files Folders හදන හැටි, Links හදන හැටි මේ ලිපියෙන් ඔයාට සියලු විස්තර එක්ක දැනගන්න ලැබෙයි.

01. ඔයා දැන් ඉන්න Folder එක

ඉතින් Terminal එක ඔයා මුලින්ම Open කරාම මුලින්ම ඔයා දැනගන්න ඕනේ දේ තමයි ඔයා දැන් ඉන්න තැන මොකක්ද කියන එක.

ඉතින් ඔය දැන් ඉන්න තැන දැන ගන්න නම් පහල තියෙන විදිහට,

pwd 

Command එක ගහන්න. pwd කියන Command එකේ තේරුම වෙන්නේ Print Working Directory කියන එක. 
ඉතින් මේ Command එක ඔය ගැහුවම ඔයාගේ output එක එන්නේ /home/username/ වගේ output එකක් ඉතින් ඔයාට එකෙන් දැන ගන්න පුළුවන් ඔයා Computer එකේ Hard එකේ කොහෙද ඉන්නේ කියලා.

02. ඔයා දැන් ඉන්න Folder එක ඇතුලේ තියෙන අනිත් Files Folders

ඉතින් ඔයා වෙන Folders ඇතුලට යන්න කලින් දැන ගෙන ඉන්න එපැයි දැන් ඉන්න Folder එකේ තියෙන අනිත් Folders Files මොනවද කියල. ඉතින් අනිත් Files Folders වල List එකක් ගන්න නම් අපි, ls Command එක ගහන්න ඕනේ. එතකොට අපිට අපි දැන් ඉන්න Folder එක ඇතුලේ තියෙන අනිත් Files Folders වල List එකක් Output එක විදිහට ලැබෙනවා.

ඉතින් තාමත් List එකෙන් පෙන්නන තොරතුරු මදි කියලා අමාරුවක් තියෙන එකෙක් නම් උබ, 

ls -a

Command එකෙන් අපිට Hidden Files ඇතුළුව සියලු Files තියෙන Output එකක් ලැබෙනවා.

ls -lt

ඉතින් ඔයාට Files Folders හදපු දවස, ඒවා හදපු User, ඒවා සඳහා අපිට තියෙන Permissions ඔක්කොම එක්ක List එකක් ඕනේ නම් මේ Command එක ඔයාට හොඳටම Fit වෙනවා.

03. Folders වල එහෙට මෙහෙට යන්න

ඉතින් ඔයාට එහෙ මෙහෙ යන්න පාවිච්චි කරන්න තියෙන Command එක වෙන්නේ "cd" කියන Command එක. මේ Command එකේ තේරුම වෙන්නේ Change Directory කියන එක. ඉතින් ඔයාට Folder එකක් එහෙම ඇතුලට යන්න ඕනේ නම්,

cd folder-එකේ-නම

ඔන්න තවත් මතක තියාගන්න ඔයාගේ Computer එකේ Places ටිකක්,

” / ” කියන්නේ අපේ Hard එකේ නැත්නම් Linux File System එක පටන් ගන්න තැන. ඉතින් Linux File System එක පටන් ගන්න තැනට යන්න ඕනේ නම් 

cd /

Command එක ගහන්න. ඒවගේ,
” ~ ” කියන්නේ අපේ Home Folder එක
” .. ” අපි දැන් ඉන්න Folder එකෙන් Back එකක් ගියාම යන Folder එක

04. අපේ Home Folder එකට යන්නේ කොහොමද

cd ~
Command එක ගහන්න. ඔයා එතකොට ඔයාගේ Home Folder එකට යයි.

05. Back එකක් යන්නේ කොහොමද

cd ..
Command එක ගහන්න. එතකොට ඔයා දැන් ඉන්න Folder එකෙන් ඔයා කලින් හිටපු Folder එකට යයි. කෙටියෙන්ම කිව්වොත් Back එකක් යයි.

06. අලුතෙන් Folder එකක් හදන්නේ කොහොමද

අලුතෙන් Folders හදන්න mkdir Command එක පාවිච්චි කරන්න.

 mkdir අලුත්-folder-එකේ-නම

07. අලුතෙන් Files හදන්නේ කොහොමද

අලුතෙන් Files හදන්න ” touch ” command එක පාවිච්චි කරන්න.

 touch file-එකේ-නම

08. File Rename කරන්නේ Move කරන්නේ කොහොමද

File Rename කරන්න File එහෙ මෙහෙ move කරන්න.

ඉතින් ඔයාට file එකක් rename කරන්න ඕනේ නම්. example එකක් හැටියට හිතන්නකෝ test1 කියල file එකක් තියෙනවා කියලා. ඔයාට ඕනේ මේ file එකේ නම file2 කරන්න. ඉතින් මේ විදිහට මේ File එක Rename කරන්න නම් ඔයාට,

mv file1 file2

Command එක පාවිච්චි කරන්න වෙනවා.

ඉතින් ඔයාට File එකක් කොහෙට හරි Move කරන්න ඕනේ කියලා. ඉතින් ඔයාට File එක move කරන්න නම්,

mv move-කරන්න-යන-file-එකේ-නම move-කරන්න-යන-location-එක

09. Files Copy කරන්නේ කොහොමද

ඉතින් ඔයාට File එකක් කොහෙට හරි Copy කරන්න ඕනේ කියලා. ඉතින් ඔයාට File එක copy කරන්න නම්,

cp copy-කරන්න-යන-file-එකේ-නම copy-කරන්න-යන-location-එක

10. Files Delete කරන්න

ඔයාට Files delete කරන්න,

rm file-එකේ-නම

ඔයාට Folders delete කරන්න ඕනේ නම්,

rm -r file-එකේ-නම

ඉතින් ඔය Commands ටික Master කලා කියන්නේ ඉතින් උබට දැන් GUI එකක් ඕනේම නැති වෙයි. 🙂

එල එහෙනම් ඊලග ලිපියෙන් Set වෙමුකෝ ආයේ. එහෙනම් මම ගියා.

ඕනම Website එකක IP Address එක හොරකම් කරමු

Tagged , , , , , , , , , , Leave a comment

ඉතින් මම හිතුවා Linux වල Hacking Side එකෙන් යන කොල්ලන්ටත් Tips ගෙන්න. ඉතින් මම ඉදිරියට Hacking Distro ගැන ගොඩක් ලිපි ගෙන්න බලාපොරොත්තු වෙනවා. ඉතින් ඒ ලිපි වලට සුදානම් වෙන්න Hacking Distro එකක් දාගෙනම තියාගන්න.

මම Hacking Distro එකක් කියල අදහස් කලේ Kali Linux විතරක් නෙවෙයි. දැන් ඉතින් Hacking කිව්වම මතක් වෙන්නේ Kali Linux විතරයිනේ එත් මේ වෙද්දී Kali Linux Hacking ලෝකේ දෙවෙනි Place එකේ ඉන්නේ.

දැන් Hacking වලට තියෙන හොඳම Distro එක වෙන්නේ Parrot OS.

ඒවගේම BackBox, BlackArch වගේ තවත් Hacking Distro සුත් තියෙනවා. ඉතින් ඔයා කැමති Hacking Distro එකක් තෝරාගන්න එක ඔයාගේ අතේ තියෙන දෙයක්. එහෙනම් අපි තවත් Hacking Distro ගැන කතා කර කර ඉන්නේ නැතුව අද අපේ Topic එකට එමු.

ඉතින් අද අපේ Topic එක උනේ ඕනෑම Website එකක IP Address එක හොරකම් කරන එක. මේක හොරකමක්මත් නෙවෙයි මේක තනිකර නීත්‍යානුකුලයි.


ඉතින් IP Address එක හොරකම් කරන්න නම්,

ping Website-එකේ-නම

Terminal එක Open කර ගෙන ඔය උඩ තියෙන විදිහට Command එක ගහන්න. එතන “Website-එකේ-නම” කියල තියෙන තැන ඔයාට IP address එක දැන ගන්න ඕනේ Website එකේ නම ගහන්න.

ඊට පස්සේ ඉතින් Enter එකක් දෙන්න. එච්ච්ච්රයි.

ඉතින් ඔය විදිහට තමයි කොල්ලනේ Website එකක IP Address එකක් ආතල් එකේ උස්සන්නේ. එහෙනම් මේ ලිපිය උබලට Help එකක් වෙන්න ඇති කියලා මම හිතනවා.

එහෙනම් ආයේ Set වෙමුකෝ. මන් ගියා. ජය!

හැම Linux User කෙනෙක්ම දැන ගත යුතු Linux Keyboard Shortcuts 10ක්

Tagged , , , , , , , , , , , , , Leave a comment

අපි Computer එකේ වැඩ කරද්දී අපි කරන වැඩේ ලේසි කරගන්න අපි හැමොම KeyBoard Shortcuts පාවිච්චි කරනවා. ඉතින් මම අද ගෙනල්ලා තියෙන්නේ හැම Linux User කෙනෙක්ම් දැන ගත යුතු Keyboard Shortcuts 13ක්.

01. Linux වලට අවශ්‍යම Keyboard Shortcuts

එහෙනම් Linux වලට පාවිච්චි කරද්දී අවශ්‍යම වන මේ Linux Keyboard Shortcuts මොනවද කියල අපි බලමු. ඉතින් මම මේ ලිස්ට් එකට ඔය Copy, Paste කරන Keyboard Shortcuts එහෙම මම දැම්මේ නැ. ඒවගේ Shortcuts ඉතින් Linux, Windows, Mac ඔය ඔක්කොටම පොදුයිනේ.

01. Windows Logo එක තියෙන Key එක: Activities Overview එක

මේ Windows Logo එකත් එක්ක තියෙන Key එකට අපි Super Key එක කියලත් කියනවා.
ඉතින් ඔයාට අලුතෙන් Software එකක් Open කරන්න ඕනෙද? එහෙනම් Super Key එක ඔබන්න. Search කරන්න.

ඉතින් ඔයාට ඔයා දැනට වැඩ කරන Softwares අතරේ ඉක්මනට මාරු වෙන්න ඕනෙද? Super Key එක ඔබන්න. මාරුවෙන්න.

ඉතින් ඔයාගේ Workspaces අතර ඉක්මනට මාරු වෙන්න ඕනෙද? Super Key එක ඔබන්න. මාරුවෙන්න.

ඉතින් මේ Super Key එක මේ වගේ වැඩ ගොඩක් අපිට ලේසි කරලා දෙනවා.

02. Ctrl+Alt+T: Terminal එක Open කරන්න

ඉතින් ඔයාට ඉක්මනටම Terminal එකක් Open කරන්න ඕනේ නම් කරන්න තියෙන්නෙ Ctrl + Alt + T ඔබන්න විතරයි. මේක මේ Keyboard Shortcut එක තමයි මම ආසම Keyboard Shortcut එක

03. Ctrl+Alt+L: Screen එක Lock කරන්න

ඔයා වැඩ කරන අතරමග ඔයාට පොඩි Brake එකක් ගන්න ඕනේ උනොත් ඔයාට කරන්න පුළුවන් හොඳම Security Option එක වෙන්නේ ඔයාගේ Screen එක Lock කරන එක.

ඉතින් Screen එක Lock කරන්න අමාරුවෙන් හොයා හොයා ඉන්නේ නැතුව මේ Shortcut එක පාවිච්චි කරා නම් හරිනේ.

ඉතින් Screen එක Lock කරන්න Shortcut එක වෙන්නේ Ctrl + Alt + L ය.

04.Windows Logo එක තියෙන Button එක + A : Application menu එක ගන්න

ඉතින් ඔයාට ඉක්මනට Linux වලදී Software මෙනු එක ඔපෙන් කරන්න ඕනේ නම් කරන්න තියෙන්නේ. Windows Key එකයි A එකයි ඔබන එක.

ඉතින් මේ Application Menu එකෙන් අයින් වෙන්න Esc Button එක ඔබන්න.

05. Super+D or Ctrl+Alt+D: Desktop එක පෙන්වන්න

ඉතින් ඔයාට දැන් Run වෙන Softwares ඔක්කොම එක සැරේ Minimize කරලා desktop එකට යන්න ඕනේ නම් මේ Keyboard Shortcut එක පාවිච්චි කරන්න.

06. Super+Tab or Alt+Tab: මේ වෙලාවේ දුවන Softwares අතර මාරු වෙන්න

ඉතින් ඔයා දැන් දුවන Softwares අතර මාරු වෙන්න මේ Keyboard Shortcut එක පාවිචි කරන්න.

07. Windows Key + Arrow Keys

දැන දුවන Software එක Minimize කරන්න Maximize කරන්න. Desktop එකේ ලේසියෙන් Softwares හසුරවන්න ඔයාට මේ Keyboard Shortcut එක ගොඩක් උදව් වෙයි.

08. Super+M: Notification Tray එක ගන්න

ඉතින් ඔයාට එන Notifications බලන්න. Calender එක බලන්න මේ Notification මෙනු එක ගොඩක් උදව් වෙනවා. ඉතින් මේ Notification Try එක ඔපෙන් කරන්න නම්:

Super+M ඔබන්න. Close කරන්නත් එකම ඔබන්න.

09. Alt+F2: Console Command එකක් ඉක්මනට Run කරන්න

මේක ගොඩක්ම අවශ්‍ය වෙන්නේ Linux කුඩු කරලා බීපු එවුන්ට. එහෙම එවුන්ට Linux Console Command එකක් ඉක්මනට Run කරන්න ඕනේ නම් මේ Shortcut එක පාවිච්චි කරන්න.

10. Ctrl+Alt+Del: Log out වෙන්න

ඉතින් ඔයාට ඉක්මනට Log Out වෙන්න ඕනේ නම් මේ Keyboard Shortcuts පාවිච්චි කරන්න.

02. අලුත් Shortcuts ඔයාම හදාගන්න

Shortcuts වලට Limit එකක් නැනේ ඉතින් ඔයාට ඇති තරම් Shortcut හදාගන්න පාවිච්චි කරන්න පුළුවන්.

ඉතින් ඔයාට අලුත් Shortcut එකක් එකතු කරගන්න කරන්න තියෙන්නේ

Settings->Devices->Keyboard යන්න විතරයි. එතන Shortcuts Add කරන්න Button එකක් ඇති එතන ඔයාට ඕන විදිහට Shortcut එක හදාගන්න. මොනවහරි ප්‍රශ්නයක් තියෙනවනම් පහල comment section එකෙදී අහන්න.

ඉතින් මේ Shortcuts අතරින් ඔයාට නැතුවම බැරි Shortcut එක මොකක්ද? පහලින් Comment කරන්න.

ඕනම Software එකක් Terminal එකෙන් Install කරමු

Tagged , , , , , , , , , , , , , , , , , Leave a comment

ඉතින් කොල්ලනේ ඔයාල දන්නවනේ Windows එකේ නම් අපිට Software එකක් ඕනේ නම් අපිට ඒ Software එක internet පීරලා පීරලා හොයාගෙන Download කරගන්න වෙනවා.

එත් Linux වල එහෙම නැ. Terminal එකේ Install කරන Command එකත් එක්ක අපිට ඕනේ Software එකේ නම ගහන්න තියෙන්නේ. එච්චරයි.

ඉතින් අද මම කියල දෙන්න යන්නේ මොකක්ම හරි software එකක් Install කරන්න ගහන්න ඕනේ Command එක මොකක්ද කියලා. ඉතින් මේ Software Install කරන Commands එක එක Package Managers අනුව වෙනස් වෙනවා. ඉතින් අපි අද මේ හැම Package Manager එකකම අදාල Software එක Install කරන්න ගහන Commands ඉගෙන ගන්නයි යන්නේ.

ඉතින් Package Managers Linux වලට දහයක් තියෙනවනේ එතනින් ප්‍රදානම තුන වෙන්නේ,

  • DPKG
  • RPM
  • Pacman

01.DPKG

DPKG කියන්නේ Debian Based Package Manager එක.

ඉතින් බොහෝ වෙලාවට ඔයා පාවිච්චි කරන Linux Distribution එක මේ Package Manager එකට Support කරනවා. මේ Package Manager එකට Support කරන Linux Distributions වෙන්නේ Ubuntu, MX Linux, Linux Mint, Debian, Kali Linux, Parrot OS කියන Distributions.

මීටත් අමතරව ඔයා පාවිච්චි කරන Linux Distro එක Based වෙලා තියෙන්නේ Debian වලින් හරි Ubuntu වලින් හරි නම් එත් මේ Package Manager එක ඔයාගේ Distro එකට Support කරනවා.
ඉතින් මේ Package manager එක පාවිච්චි කරලා Software එකක් install කරගන්න නම් ඔයා මුලිනම Terminal එක Open කරගන්න ඕනේ. ඊට පස්සේ,

sudo apt-get install software-එකේ-නම

Command එක ඔයාට ඕන Software එකේ නමත් එක්ක පාවිච්චි කරන්න ඕනේ.

02.RPM

RPM කියන්නේ Red Hat Package Manager එක.

මේ Package Manager එකට Support කරන Linux Distributions වෙන්නේ Red Hat,Fedora, Fermi Linux, CentOS, SUSE Enterprise, openSUSE කියන Distributions.

මීට අමතරව ඔයා පාවිච්චි කරන Linux Distro එක Based වෙලා තියෙන්නේ Fedora වලින් හරි Red Hat වලින් හරි නම් එත් මේ Package Manager එක ඔයාගේ Distro එකට Support කරනවා.
ඉතින් මේ Package manager එක පාවිච්චි කරලා Software එකක් install කරගන්න නම් ඔයා මුලිනම Terminal එක Open කරගන්න ඕනේ. ඊට පස්සේ,

yum install software-එකේ-නම

Command එක ඔයාට ඕන Software එකේ නමත් එක්ක පාවිච්චි කරන්න ඕනේ.

03.PacMan

මේ Package Manager එකට Support කරන Linux Distributions වෙන්නේ Antergos, Arch Linux, ArchBang, ArchLabs, ArchOne, ArkOS සහ Manjaro (Linux ලෝකයේ දැන් රජකරන Distribution එක Manjaro) කියන Distributions.

මීටත් අමතරව ඔයා පාවිච්චි කරන Linux Distro එක Based වෙලා තියෙන්නේ Arch වලින් හරි Manjaro වලින් හරි නම් එත් මේ Package Manager එක ඔයාගේ Distro එකට Support කරනවා.
ඉතින් මේ Package manager එක පාවිච්චි කරලා Software එකක් install කරගන්න නම් ඔයා මුලිනම Terminal එක Open කරගන්න ඕනේ. ඊට පස්සේ,

sudo pacman -S software-එකේ-නම

Command එක ඔයාට ඕන Software එකේ නමත් එක්ක පාවිච්චි කරන්න ඕනේ.

ඉතින් ඔය විදිහට තමයි ඒ ඒ අදාල Package Manager එකෙන් අදාල Softwares Install කරගන්නේ. ඉතින් මේ ලිපිය ඔයාලට උදව්වක් වෙන්න ඇති කියල මන් හිතනවා.

එහෙනම් ඊලග ලිපියෙන් හම්බවෙමුකෝ. ජය!

Linux එකේ Graphic වැඩ කරන්න ඕනෙද? එහෙනම් Install කරගන්න Krita

Tagged , , , , , , , , , , , , , , , , , , , Leave a comment

ඉතින් මම අද ඔයාලට කියලා දෙන්න යන්නේ මගේ දැකීම අනුව Linux වල Graphic වැඩ කරන්න තියෙන හොඳම Tool එක Install කරන හැටි.

ඉතින් මේ Tool එකේ නම නම් Krita. පට්ට ටූල් එක. මේ ටූල් එක ටික කාලයක් පාවිච්චි කරද්දී ඔයාට මේක Photoshop වලටත් වැඩිය හොඳයිනේ කියලා හිතෙයි. එතරම් පට්ට Graphic කරන්න තියෙන Software එකක් මේක.


ඉතින් මේක ඔයාගේ Linux System එකේ Install කරන්න නම්,

snap install krita

ඔය උඩ තියෙන විදිහට “snap install krita” කියන command එක ගහලා Install කරගන්න

ඉතින් Install Process එක හරියට ඉවර උනානම් Well Done. හරියට ඉවර වෙන්නේ නැතුව Error එකක් ආවනම්,

sudo apt-get install krita

ඔය උඩ තියෙන විදිහට “sudo apt-get install krita” command එක ගහන්න.

ඉතින් තාමත් Error එකක් එනවනම් පහල comment section එකෙන් ප්‍රශ්නේ මොකක්ද කියල දන්න. මම ඉන්නවා ප්‍රශ්නේ විසඳ ගන්න Full සුප්පොර්ට් එක දෙන්න.

එහෙනම් මම ගියා කොල්ලනේ. ජය!

Ubuntu Factory Reset පාරක් දාමුද? Files නැති කරගන්නේ නැතුව

Tagged , , , , , , , , Leave a comment

මට මාර වැඩක්නේ උනේ අද ඔන්න මම මගේ Computer එක ඕන කලා. ඊටපස්සේ Ubuntu කියලා වැටිලා ලෝඩුත් උනා. ඔන්න ඊට පස්සේ මට කලු Screen එකක් වැටෙනවා.

ඒ කලු Screen එකෙන් එහාට මුකුත් වැඩ කරන්නේ නැ. Mouse එකවත් කිසිදෙයක් පෙන්නන්නේ නැ.

කොහොමත් විදිහක් නැ Ubuntu එකට Log වෙන්න. ඉතින් එතනින් එහාට මම මොනවා කලත් Ubuntu Load උනේ නැ. ඉතින් Ubuntu එක Load වෙන්නේ නැ කියලා මම බලාගෙන ඉන්නද? බෑනෙ. ඔන්න මම ඉතින් internet එකේ search කලා මේ Black Screen එක එන එක නවත්වන්න විදිහක්.

ඔන්න එත් එක්කම මට හම්බවුන ඉන්ටෙර්නෙට් එකේ පොඩි ලිපි කැල්ලක්. එකේ ලියලා තිබුණා Ubuntu Reset කලාම ඔය තියෙන ඔක්කොම errors නැතුව යනවා කියලා. ඉතින් මම උබුන්ටු Reset කලා. මෙන්න බොලේ කිව්වත් වගේ Black Screen එක නැතුව ගිහින් මාව මන් අසම Gnome Desktop එකට වැටුනා. ඉතින් ඔන්න ඔය විදිහට ප්‍රශ්නේ විසදුනා.

ඉතින් මම විතරක් ප්‍රශ්න විසදගෙන හරියනවද? නැනේ. මන් හොයා ගත්ත දේ ඔයාලටත් ඕනේ වෙන්න පුළුවන් කියලා හිතලා Ubuntu Reset කරන විදිහ ගැන මම මෙන්න මේ විදිහට ලිපියක් ලිව්වා.

ඉතින් මෙන්න මේ විදිහට තමයි Ubuntu Reset කරන්නේ,

පියවර 01,

Ubuntu Load වෙද්දී එන GRUB menu එකේ Advanced options for Ubuntu තෝරගන්න

පියවර 02,

එතැනින් (Recovery Mode) කියලා ඉවරවෙන එක තෝරගන්න

පියවර 03,

“Root Drop into root shell prompt” එක තෝරාගන්න

පියවර 04,

දැන් මන් මේ පහල දාල තියෙන හැම Command එකක්ම එකකට පස්සේ එකක් Type කරලා එන්ටෙර් කරන්න Commandline එකට.

sudo dpkg --configure -a

sudo apt-get update

sudo apt-get -f install

sudo apt-get full-upgrade

sudo apt-get install --reinstall ubuntu-desktop

sudo apt-get autoremove

sudo apt-get clean

අන්තිමටම “reboot” Command එක ගහලා Computer එක Restart කරගන්න,

reboot

ඉතින් මේ Commands Set එක ගැහුවා කියන්නේ ආයේ ඉතින් Computer එක සුපිරියටම Reset වෙලා තියෙන Errors සුත් නැත්තටම නැති වෙලා ගිහින් ඇති.

ඉතින් තාමත් ඔයාගේ Linux එකේ ප්‍රශ්නේ විසදිලා නැත්නම් පහලින් Comment කරන්න. මන් ඔක්කොම Comments කියවනවා ඒවගේම මට පුළුවන් උපරිම විදිහෙන් මන් ඔයාට උදව් කරනවා.

ඉතින් මන් ආයේ ඔයාලට තවත් ඕනෙම වෙන ලිපියක් අරන් එනවා. ඉතින් මේ ලිපිය ඔයාට මොනවහරිම විදිහකින් උදව්වක් වෙන්න ඇති කියලත් හිතනවා. ඉතින් එහෙනම් ආයේ හම්බවෙමුකෝ. මන් ගියා. ජය!

Github එක එක්ක Linux වලදී වැඩකරන්න GitKraken

Tagged , , , , , , , , , , , , , , , , , Leave a comment

ඉතින් කොල්ලනේ ඔයා Computer වල මොනවහරිම පැත්තක Developer කෙනෙක් නම් ඔයා අනිවා Github එක ගැන දන්නවා ඇති. ඉතින් ඒ එකක්ම මේ Github එකේ අපේ Repository එකත් එක්ක කරන Pull, Push ඔයවගේ Request ගැනත් දන්නවා ඇති. ඉතින් Github එකත් එක්ක මේ Requests කරන්න නම් අපිට Github Client Software එකක් ඕනේ වෙනවා.

Github Client Softwares කිව්වම Windows වලට MacOS වලට නම් ඇති වෙන්න GitHub Client Softwares තියෙනවා. එත් Linux ලෝකේ ඉන්න අපිට කාලෙක ඉදන්ම කිසිම Github Client Software එකක් තිබුනේ නැ.

එත් කොල්ලනේ මට මේ ලඟදි දැනගන්න ලැබුණා අපේ Linux Platform එක වෙනුවෙනුත් හොද Graphical User Interface එකක් තියෙන Github Client Softwares Release වෙලා තියෙනවා කියලා. ඉතින් මමත් නිකන් හිටියේ නෑ දාගේන හෙවුවා මොකක්ද මේ හොඳ Github Client Software එක කියලා.

ඉතින් මම මෙහෙම හොයද්දි මට Github Client Software දෙක තුනක්ම හම්බවුනා,

  • GitCola
  • SmartGit
  • Giggle
  • Gitg
  • Git GUI

එත් මේ Softwares එකක්වත් මට ඕනේ වෙලා තිබුන හොඳ User Experience එකක් මට දුන්නේ නෑ. ඉතින් මන් තවත් ඉන්ටර්නෙට් එක පිර පිර හෙව්වා හොඳ GitHub Client Software එකක්.


ඔන්න එත් එක්කම මට GitKraken කියන පට්ට Software එක හම්බුනා. ආයේ කතා කරන්න දෙයක් නෑ පට්ට. පට්ටම User Experience එකක් මට ඒ Software එකෙන් ලැබුනේ.

ඉතින් මම හිතනවා ඔයත් මේ Computer වල කොයිම පැත්තෙන් හරි Developer කෙනෙක් නම් මේ Software එක පාවිච්චි කරන්න ඕනේ කියලා

ඉතින් ඔයාලට GitKraken Software එක Terminal එකෙන් install කරන්න ඕනේ නම්,

පියවර 01 (කොහොමත් එක පියවරයි තියෙන්නේ)

snap install gitkraken

01.ඔය තියෙන විදිහට “snap install gitkraken” Command එක ගහල Install කරගන්න

එච්චරයි තියෙන්නේ. සිම්පල්. වැඩේ ගොඩ.

ඔයාට Terminal එකේන් Install කරද්දී මොකක් හරි ප්‍රශ්නයක් අවොත් පහල Comment Section එකෙන් මට කියන්න මම උපරිම Support එක දෙන්නම්.

නැත්නම් ඔයාට එයාලගේ Official වෙබ් අඩවියට ගිහින් .DEB පැකේජ් එකෙන් GitKraken Install කරගත හැකි. එයාලගේ වෙබ් අඩවියට මෙතනින් යන්න.

ඉතින් මේ ලිපිය ඔයාලට උදව්වක් වෙන්න ඇති කියලා මම හිතනවා. එහෙනම් ආයේ පස්සේ හම්බවෙමුකෝ. ජය!